سلمى النجار
مرحبا بك ياخى بمنتديات سلمى النجار ونرجو منك التسجيل والمشاركه

منتديات سلمى النجار
سلمى النجار
مرحبا بك ياخى بمنتديات سلمى النجار ونرجو منك التسجيل والمشاركه

منتديات سلمى النجار
سلمى النجار
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

سلمى النجار

منتديات سلمى النجار منتدى مصرى 100%
 
الرئيسيةالبوابةأحدث الصورالتسجيلدخول
تهنئه من اداره المنتدى الى العضو المميز ( أشرف قجدور ) وذلك لحصوله على رتبه ( العضو السوبر ) و ( اوسمه الشرف والتقدير ) ونتمنى الابداع دائما والمزيد من المشاركات الشيقه ...... الف مبروك
مطلوب مشرفين لجميع الاقسام رشح نفسك بسرعه ولا تتردد                                   صاحب الموقع يرحب بالساده الاعضاء والزوار                     منتديات سلمى النجار ترحب بجميع  بالاعضاء والزوار وتتمنى بقضاء وقت ممتع ومفيد  معنا  ونتمنى مشاركتكم وتفاعلكم معنا فى الرقى بالمنتدى   نحن دائما فى خدمه اعضاء المنتدى ....   شارك معنا ....   ابدع على صفحات المنتدى .... لا تبخل علينا بمعلوماتك ....    شعر و قصائد افتراضي من اشعار صلاح جاهين 2211_md_13140711496   تهنئه من اداره المنتدى الى العضو المميز أشرف قجدور وحصوله على رتبه ( العضو السوبر) و (اوسمهالشرف والتقدير ) ونتمنى المزيد باذن الله

 

 شعر و قصائد افتراضي من اشعار صلاح جاهين

اذهب الى الأسفل 
كاتب الموضوعرسالة
محمد النجار
v.i.p
v.i.p
محمد النجار


عدد المساهمات : 532
تاريخ التسجيل : 14/07/2011
العمر : 40

شعر و قصائد افتراضي من اشعار صلاح جاهين Empty
مُساهمةموضوع: شعر و قصائد افتراضي من اشعار صلاح جاهين   شعر و قصائد افتراضي من اشعار صلاح جاهين I_icon_minitimeالثلاثاء 23 أغسطس 2011, 9:52 am

شعر و قصائد افتراضي من اشعار صلاح جاهين 793492199


بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت .. قارب نجاة

قالوا مفيش
غير بس هو الحب قارب نجاه
عجبي !!!

***
فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين .. يا جدع
قال من بعيد و لسه رايح بعيد

عجبي !!!

مرات أفوق و يحل عني غبايا

و أفتكر إني فهمت كل الخبايا

و افتح شفايفي عشان أقول الدرر

ما قولش غير حبة غزل في الصبايا

و عجبي.
..
يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!


أنا قلبي كان شخشيخة أصبح جرس

جلجلت بيه صحيوا الخدم والحرس

انا المهرج , خفتوا ليه, قمتوا ليه

لا في ايدي سيف ولا تحت مني فرس

وعجبي



ولدي نصحتك لما صوتي اتنبح
..
ما تخافش من جني ولا من شبح ..

وان هب فيك عفريت قتيل اساله ..

ما دافعش ليه عن نفسه يوم ما اندبح ..

وعجبي



يأسك وصبرك بين ايديك وانت حر

تيأس ما تيأس الحياة راح تمر

أنا دقت من دة ومن دة وعجبي لقيت

الصبر مر وبرضه اليأس مر

عجبي



علي بــعد ملـــيون مــيل من أرضنا

من الفــراغ الــكوني بصــيت أنـا

لا شفت فرق ما بين جبال و بحور

ولا شفت فرق ما بين عذاب أو هنا

عجبي




أنا كل يوم أسمع .. فلان عذبوه

أسرح ف بغداد والجزاير واتوه

ما أعجبش م اللي يطيق بجسمه العذاب

وأعجب من اللي يطيق يعذب أخوه

عجبي!!


أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!


انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!



يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

عجبي !!!


يا عندليب ماتخافش من غنوتك

قول شكوتك و احكي عن بلوتك

الغنوة مش هتموتك إنما

كتم الغنا هو اللي هيموتك

!عجبي

**************************************
يا للي بتبحث عن إله تعبده
بحث الغريق عن أي شيء ينجده
الله جميل و عليم و رحمن رحيم
إحمل صفاته ... و انت راح توجده
!عجبي

*****************************************

غمض عينيك و امشي بخفة و دلع
الدنيا هي الشابة و انت الجدع
تشوف رشاقة خطوتك تعبدك
لكن انت لو بصيت لرجليك ... تقع
!عجبي

**********************************

أوصيك يا ابني بالقمر و بالزهور
أوصيك بليل القاهرة المسحور
و إن جيت في بالك ... اشتري عقد فل
لأي سمرا ... و قبري إوعك تزور
!عجبي

********************************

لو فيه سلام في الأرض و طمان و أمان
لو كان مفيش و لا فقر و لا خوف و جبن
لو يملك الإنسان مصير كل شيء
أنا كنت أجيب للدنيا ميت ألف ابن
!عجبي

**********************************

جالك أوان و عرفت مشي الجنايز
كيف شفتها يا عبد رب اللذايذ
قال: شفت شيل بالحيل فقير أو أمير
كما شالوا في الحمامير فواضي القزايز
!عجبي

*************************************

يا للي انت بيتك قش مفروش بريش
تقوى عليه الريح. يصبح مفيش
عجبي عليك حواليك مخالب كبار
و ما لكش غير منقار و قادر تعيش
!عجبي

**********************************


يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
!عجبي

***********************************



أنا قلبي كان شخشيخة أصبح جرس
جلجلت بيه صحيوا الخدم و الحرس
أنا المهرج ... قمتو ليه خفتو ليه
لاف إيدي سيف و لا تحت مني فرس

!عجبي

حبيت...لكن حب من غير حنان
وصاحبت لكن صُحبه مالهاش أمان
رحت لحكيم واكتر لقيت بلوتي
إن اللي جوّه القلب مش ع اللسان
!عجبي



إيش تطلبي يا نفس فوق كل ده

حظك بيضحك وانتي متنكدة

ردت قالت لي النفس: قول للبَشَر

ما يبصوليش بعيون حزينة كده

!عجبي




بحر الحياه مليان بغرقى الحياه

صَرَخت خش الموج في حلقي ملاه

قارب نجاه!...صَرَخت قالوا مفيش

غير بس هو الحب قارب نجاه

!عجبي


إنشد يا قلبي غنوتك للجمال

وارقص في صدري من اليمين للشمال

ماهوش بعيد تفضل لبكره سعيد

ده كل يوم فيه ألف ألف احتمال
!عجبي



زحام وأبواق سيارات مزعجة

إللي يطول له رصيف...يبقى نجا

لو كنت جنبي يا حبيبي أنا

مش كنت أشوف إن الحياة مبهجه؟

!عجبي


إيديا في جيوبي وقلبي طِرب

سارح في غربة بس مش مِغترِب

وحدي لكين وَنسان وماشي كده

وبابتعد...ما اعرفش...أو باقترِب
!عجبي



فتحت شباكي لشمس الصباح

ما دخلش منه غير عويل الرياح

وفتحت قلبي عشان أبوح بالألم

ما خرجش منه غير محبة وسماح

!عجبي




أنا الذي عمري اشتياق في اشتياق

وقطر داخل في محطة فراق

قصدت نبع السم وشربت سم

من كتر شوقي وعشمي في الترياق

!عجبي




اتمنى ان الاشعار تعجبكوا وياريت تدوروا على المعانى الضائعة وسط الكلام حقيقى جميلة


رحمك الله يا صلاح جاهين ...
الرجوع الى أعلى الصفحة اذهب الى الأسفل
https://salma2010.ahlamontada.net
 
شعر و قصائد افتراضي من اشعار صلاح جاهين
الرجوع الى أعلى الصفحة 
صفحة 1 من اصل 1
 مواضيع مماثلة
-
» أشعار العامية المصرية رباعيات صلاح جاهين,اجمل اشعار صلاح جاهين
» اشعار حب - اشعار حب 2011 - اشعار حب جديدة
» جميع قصائد هشام الجخ مكتوبة - متجدد
» اشعار حب تعبر عن احلى كلام
» افتراضي ما حكم الشعر في الإسلام !

صلاحيات هذا المنتدى:لاتستطيع الرد على المواضيع في هذا المنتدى
سلمى النجار ::  منتدى الشعر والشعراء-
انتقل الى: